CYNNAL Y CARDI CRONFA GRANT LEADER

Mae Grŵp Gweithredu Lleol Cynnal y Cardi wedi lansio Cronfa Grant newydd, fel rhan o'r cynllun LEADER, a fydd yn cefnogi gweithgaredd LEADER ar raddfa fach yng Ngheredigion.

Gall y gronfa eich helpu i wneud gwahaniaeth yn eich cymuned, gyda'r nod o ddarparu cymorth refeniw ar raddfa fach i:

• Sefydliadau wrth iddynt adfer yn dilyn covid.
• Cynorthwyo cyfleoedd ar gyfer gweithgareddau cyn-fasnachol.
• Peilota gweithgareddau arloesol sy’n cynnig cyfleoedd i brofi cysyniad syniad.
• Cynorthwyo gweithgarwch sy’n cryfhau cydlynu cymunedol.

Gallwn gynnig rhwng £1,000 a £10,000, a bydd gofyn cwblhau’r holl weithgarwch a hawlio’r cyllid erbyn 30 Tachwedd 2022. Gellir cyrchu'r ddogfen ganllaw trwy glicio yma.

Bydd y Cyllid Grant yn canolbwyntio ar y blaenoriaethau canlynol o Strategaeth Datblygu Lleol Cynnal y Cardi:

• cefnogi gweithgarwch gyda’r nod o wella cyfleoedd i ddatblygu economi gylchol Ceredigion
• cefnogi ymyrraeth gynnar ar gyfer datblygu gweithgarwch cyn-fasnachol gyda’r bwriad o feithrin cyfleoedd entrepreneuriaid
• cryfhau gwytnwch cymunedol gan ganolbwyntio ar rôl y Cynghorau Tref a Chymuned wrth gefnogi ac ymgysylltu â’u cymunedau
• meithrin cyfleoedd i ail-ymgysylltu â phobl ac ail-rymuso gweithgarwch cymunedol yn dilyn COVID-19 a threialu defnydd arloesol ar gyfer cyfleusterau cymunedol

I weld y dogfen Strategaeth Datblygu Lleol Cynnal y Cardi llawn cliciwch yma.

Pwy all Ymgeisio?

Gellir derbyn ceisiadau gan:

• Sefydliadau di-elw / mentrau cymdeithasol a phartneriaethau;
• Elusennau Cofrestredig;
• Grwpiau a rhwydweithiau cymunedol ffurfiol (h.y.rhaid bod ganddynt gyfrif banc gyda 2 lofnodwr, rhwydwaith/grŵp cymunedol a gyfansoddwyd);
• Mentrau o’r sector preifat gan gynnwys unig fasnachwyr, pobl hunangyflogedig, mentrau micro/bach, cwmnïau cyfyngedig, partneriaethau;
• Y sector cyhoeddus.

Beth ellir ei gefnogi?

Gellir darparu cefnogaeth ar gyfer y canlynol:

• Animeiddio
• Hyfforddiant
• Mentora
• Astudiaethau Dichonoldeb
• Prosiectau Peilot
• Hwyluso

Gellir gweld y dyddiadau cau ar gyfer cyflwyniadau yn y tabl isod. Mae croeso i gyflwyniadau yn Gymraeg neu yn Saesneg.

Gellir cyrchu'r ddogfen ganllaw trwy glicio yma.

Yn dilyn trafodaethau cychwynnol gyda'r tîm, os yw'n gymwys, bydd y tîm yn darparu'r ffurflen gais i chi ei llenwi. Rhaid i chi gysylltu â'r tîm i drafod eich syniadau yn y lle cyntaf.

Gallwch gysylltu â'r tîm trwy e-bosto cynnalycardi@ceredigion.gov.uk.